Aaj ke Digital Bharat mein Government Subsidies jaise PM-Kisan, LPG subsidy, Pension, scholarship, aur anya labh Direct Benefit Transfer (DBT) ke madhyam se seedha bank account mein bheje jaate hain. Lekin inka labh lene ke liye zaroori hai ki aapka bank account NPCI (National Payments Corporation of India) ke sath link ho. Is process ko hi NPCI Aadhaar Seeding kaha jaata hai.
Aaiye jaante hain iska poora process – online aur offline dono tareeke se. DBT NPCI ka
🔹 NPCI Mein DBT Link Karne Ka Offline Process:
1. Bank Visit: Sabse pehle aapko apne bank branch mein jaana hoga jisme aap subsidy lena chahte hain.
2. Aadhaar Seeding Form Bharein: Branch mein jaake Aadhaar Linking/Seeding Form lein. Isme aapko apna:
∵ Naam
∵ Bank Account Number
∵ Aadhaar Number
∵ Mobile Number
∵ bharna hota hai.
3. Documents Jama Karein:
∵ Aadhaar Card ki copy
∵ Passbook ki copy (kahi jagah original maangi ja sakti hai)
3. Form Jama Karne Ke Baad:- Bank aapke details ko verify karke aapka Aadhaar number NPCI ke database mein update karta hai.
4. Processing Time:- Ye process 2–3 working days mein complete ho jaata hai.
5. Confirmation:- Kuch banks SMS bhejte hain jab linking ho jaati hai. Aap apne branch ya customer care se bhi status pooch sakte hain.
🔹 NPCI Mein DBT Link Karne Ka Online Process:
Agar aap ghar baithe online process follow karna chahte hain to yah bhi mumkin hai, bas aapke bank mein online Aadhaar seeding ka option hona chahiye.
1. Bank App/Website Login Karein:
∵ Apne bank ki official website ya mobile banking app par login karein.
2. Aadhaar Seeding Option Dhoondhein:
∵ “Aadhaar Linking”, “Aadhaar Seeding”, ya “Update Aadhaar” option select karein.
3. Details Fill Karein:
∵ 12-digit Aadhaar Number enter karein.
∵ OTP verification karein jo aapke registered mobile par aayega.
4. Submit Karne Ke Baad:
∵ Aapka Aadhaar bank account se link ho jaayega.
∵ Bank automatic aapka data NPCI ko bhej deta hai.
5. Confirmation SMS: Linking hone par SMS aata hai ya aap bank se status jaan sakte hain.
🔍 NPCI Mein DBT Status Kaise Check Karein?
Aap Uidai ki website par jaake bhi check kar sakte hain:
Website Link:- https://tathya.uidai.gov.in/access/login?role=resident
Yahan apna Aadhaar number daalkar OTP verify karne ke baad aap dekh sakte hain ki kaunsa bank NPCI mein DBT ke liye linked hai.
📌 Important Tips:
1. Sirf ek bank account hi NPCI mein active hota hai – jisme sabhi DBT aate hain.
2. Agar aap naye account ko link karte hain, to purana account automatic deactivate ho jaata hai.
3. Har bar naye account ko link karne par 2–3 din ka samay lagta hai DBT start hone mein.
✅ Ant Mein:
NPCI mein apne bank account ko link karna ek simple lekin zaroori kadam hai, jisse aap sarkari yojnaon ka labh bina deri ke le sakte hain. Aap offline ya online dono tarah se is process ko pura kar sakte hain. Agar aapka DBT nahi aa raha hai, to sabse pehle check karein ki aapka account NPCI ke sath sahi se link hai ya nahi.
